Badator 2021eko Arrain Azoka. Itsasoarekin lotutako Euskal Herriko azoka garrantzitsuena, aurton ere birtualki COVID -19 gaitzagatik. Maiatzaren 21etik 23ra Arrain Azokaren sare sozialetan.

Hegaluze Sariak 24. edizioa izango du aurten eta bertara hautagaiak aurkezteko epea maiatzaren 16ra bitarte egongo da irekita.  Sarituaren berri sare sozialen bidez emango dahilaren 21ean.

Saria 1997an sortu zen Bermeoren izena zabaldu eta goratu edo herriaren alde egin duen pertsona zein erakundea nabarmentzeko. Ekimenak jatorriz, ekintza puntual bat edo jarraipen profesional bat (kirola, enpresa, kultura, gizartea, ekonomia…) saritzea izan du xede.

​

Irabazlea epaimahai batek aukeratuko du eta hautagai batentzako proposamen asko baldin badaude, bat izatea legez hartuko da, eta ez bozketa moduan.

​

Hautagairen bat proposatu nahi baduzu, egin klik behean eta bete inprimakia, edo orri batean idatzi proposamena eta zergatiak eta helbide elektroniko hauetara bidali: hegaluze@itsuki-irratia.net / turismoa@bermeo.eus edota turismo bulegoan aurkeztu.

+20k

BERTARATU

9

ESPAZIO

+30

EKINTZA

+50

PROFESIONAL

Gure gizartearentzako funtsezko sektorea denaren inguruan praktika onak eta jasangarriak bultzatzen dituen mundu mailako etorkizuneko erronka baten aurrean gaude.

Egin dezagun iraunkor Bermeoko erara

Let´s make it sustainable

​

Bermeo Tuna World Capitalek maila globalean sustatzen du atunaren inguruko kudeaketa jasangarria, baliabide naturala den heinean, ezagutza zientifikotik eta praktika onen lidergotik abiatuta.

​

Gehiago jakin

Kofradi zaharreko jantoki solidarioa ezinbesteko bilakatu da Arrain Azokaren programazio barruan. Bolondresek posible egiten duten ekintzak urtero milaka bisitari biltzen ditu hegaluze, marmitako eta txakolinaren inguruan. 

​

2017an 6.300'26€ batu ziren, 2018an 7.789'78€, eta 2019an 9 talde eta 68 bolondresen laguntzaz, eta gazte asanbladaren eta laguntzaile anonimo bati esker 8.170€ko laguntza banatu ahal izan zen Gizarte Ongizate Patronatoaren bidez.

​

XXIV. Arrain Azokan bolondresen testigantzak biltzen dituen ekintza solidarioren erreportaia egin zen. Hurrengo bideoan irudiak.

​

Bermeo, hega luze eta esku zabal.

Erronka Garbia ziurtagiriak, Ihobe Ingurumen Kudeaketa Sozietate Publikoak emandakoak, ekitaldiek ingurumenean eragin ditzaketen inpaktu negatiboak minimizatzeko asmoz diseinuan eta antolakuntzan ingurumen-neurriak txertatzen dituzten ekitaldiak aitortzen ditu. Horrela, ekimena barneratzen duten ekitaldiek hainbat jasangarritasun neurri ezartzen dituzte jarraian adierazten diren sei jokabide ardatzetan, ingurumen-sentsibilizazioa aurrekoekiko ardatz transbertsaltzat utzita. 

Garraio publikoaren errefortzua azoka egunetan Euskotrenek eta Bermibusek tren eta autobus zerbitzu bereziak eskaini dituzte, publikoa ekitaldi ezberdinetara garraio publikoan etortzea sustatzeko. 

Hurbileko hornitzaileen kontratazioa, Ekitaldiko hornitzaileen %93,5-a hurbilekoak (Bizkaia) izan dira.

Eguneko programazioaren diseinua eguzki-argia ahalik eta gehien aprobetxatu eta elektrizitate kontsumoa murrizteko helburuarekin; Beharrizan energetikoen diseinu egokia stand-etan instalatutako potentzia doitu eta gehiegizko kontsumoa ekiditeko asmoz; Kontsumo baxuko ekipoen erabilera argi eta soinu ekipoak aukeratzeko orduan efizientzia energetikoaren irizpidea kontuan hartuz.

​

Garbiketa-uraren kontsumo arduratsua: Bermeoko Udalaren kale-garbiketa zerbitzuek ekipo eraginkorrekin lan egiten dute eta uraren kontsumo arduratsua praktikatzen dute. Guztira, Azokak iraun duen egunetan 72 m3 ur kontsumitu dira honek barneratutako esparruen garbiketa lanetan.

​

Edalontzi eta baxera konpostagarria Kofradi Zaharrean, erabilera bakarreko plastikoa ekiditeko; Bertako eta sasoiko produktuen sustapena; Baliabide digitalen erabileraren bidezko inprimatutako paperaren murrizketari esker 183 kg CO2 eq. inguru emititzea ekidin da.

​

Azpiegitura berrerabilgarrien erabilera, desmuntatu eta beste edizio edo ekitaldi batzuetan erabili daitezen. Gainera, antolakuntzak edizioaren data edo zenbakiarekin ekoiztutako lona edo kartelak ekiditen ditu, behin aurtengo edizioa bukatuta zuzenean hondakin bihurtu ez daitezen.

​

Hondakinen bilketa-selektiboa. Udalak bilketa selektiboko errefortzuzko edukiontziak ezartzen ditu Lamerako ingurumarietan, sortutako hondakin guztiak era egokian kudeatu daitezen. Guztira, 122 kg hondakin organiko, 400 kg paper/kartoi eta 16.655 kg beira jaso dira, 69 kg CO2 eq. emititzea ekidinez.